منتدى القديس مارمينا

منتدى مارمينا يرحب بالزوار
ونتمنى قضاء اسعد الاوقات
ويسرنا انضمامك لاسرة المنتدى
منتدى القديس مارمينا

اهلا بكم فى منتدى مارمينا


    مشرف عايز يتجوز تعالو نشوف المقابلة ايه ؟؟؟؟

    شاطر

    peter pop
    عضو (مارمينا) نشيط
    عضو (مارمينا) نشيط

    ذكر
    عدد الرسائل : 51
    العمر : 26
    المزاج :
    تاريخ التسجيل : 25/07/2008

    جديد لنج مشرف عايز يتجوز تعالو نشوف المقابلة ايه ؟؟؟؟

    مُساهمة من طرف peter pop في الأحد 17 أغسطس 2008, 6:20 pm

    منور يا ابنى

    - ده نورك يا عمى

    - اشرب النعناع اللى انت عاوزه

    - ميرسى

    - كنت عاوزنى فى ايه باه؟

    - يا عمى انا يسعدنى ويشرفنى انى اتقدم واطلب ايد بنتك موج

    - والله يا محمد يبنى ده انا اتشرف بس انا معرفش حاجه عنك

    - ازاى يا عمى؟ انت مش بتدخل على النت؟ دى قايمه بكل اسماء المواقع اللى انا فيها ممكن حضرتك تسال عنى

    - يعنى اسال عليك فى الاماكن دى؟

    - طبعا وانا معروف جدا هناك ودى مبتكذبش اسال بس عن روميو

    - مين؟

    - روميو ........ انا.... ده مفيش حد على النت ميعرفنيش

    - طب يبنى شغلتك ايه؟

    - يا عمى انا مشرف

    - ايوه يعنى بتشتغل ايه؟

    - مشرف قد الدنيا فى قسم (يعنى يا عمى رئيس قسم)انت فاهمنى ؟

    - والله كويس جدا كمبيوتر يعنى

    - تقدر تقول كده

    - طيب حلو اوى مهندس كمبيوتر شغلانه مشرفه طب ماقلتش ليه كده من الاول؟

    - اصلى مش مهندس اصلا انا محاسب

    - الله .............طب ما علينا بتشتغل فين؟

    - على الكمبيوتر بتاعى

    - ايوه يعنى فى شركة ايه؟

    - لا تبع نفسى

    - وماله الشغل الحر مفيش احسن منه طيب شركتك فين ولا فاتح محل؟

    - لا فى البيت عندى عادى

    - طيب بتقبض كام؟

    - لا يا عمى انا مش بقبض انا بتعامل بالموقع مع كل واحد لوحده يعنى مفيش اسعار ثابته

    - طب اخر موقع اخدت فيه كام؟

    - لا اخر موقع ده كان لواحد صاحبى دخلت فيه مشرف مجامله

    - لا حول ولا قوة الا بالله............ طيب معندكش اى املاك اراضى عمارات اى حاجه يعنى؟

    - اه طبعا عندى

    - ايوه .......... عندك ايه؟

    - منتدى يا عمى

    - ده ايه ده بأه ان شاء الله؟

    - ده برده على النت بس عندى فيه دلوقتى عشرين الف عضو يا عمى

    - بيدفعو كام يعنى ؟؟

    لا مش بيدفعوا ده انا اللى نفسى ادى الناس فلوس عشان تشترك

    - لا حول ولا قوة الا بالله طب ليه يبنى الغرامه دى وعامله ليه؟

    - منا هكسب من الاعلانات يا عمى انت مش معايا ولا ايه؟

    - حلو اوى المنتدى بتاعك ده يشيل كام اعلان؟

    - ممكن لحد عشرين

    - طب وبعت الواحد بكام؟

    - لا لسه محدش اعلن عندى لسه

    - طب يبنى عايش منين ولا بتصرف منين ولا حتى هتعيش بنتى منين؟

    - منين ايه بس يا عمى ده انا معايا فيزا محدش فى كفر البطيخ عاملها

    - يبنى فيزا ايه بس بقولك هتجيب فلوس منين؟

    - من شغلتى والمواقع اللى انا بشرف فيها

    - وهى فين دى؟

    - منا مديلك لسته بيها هنستعبط؟

    - لا يبنى انا مجوزش بنتى لواحد شغلته فى الهوا كده

    - هوا ايه بس يا عمى كل المواقع دى على هوستات وواخده رانك كمان انت عارف انا فى خلال سنتين بس......

    - وله

    - نعم

    - انت عارف لو غمضت عينى وفتحتها ولقيتك قدامى هعمل فيك ايه؟

    - ايه؟

    - امشى اخرج بره

    "يخرج روميو بره جرى"

    - ادى يا ست موج جايبالى واحد نصاب والله لاكسرلك الكمبيوتر اللى انتى قاعدالى عليه ليل نهار ده

    وهتتجوزى الواد حسن النجار اهو واد كسيب واحنا عارفين دكانه فين وبيكسب كام وعايش منين..........عيال نصابه

    MaR-MiNa
    Admin
    Admin

    ذكر
    عدد الرسائل : 6570
    العمر : 28
    الموقع : http://mar-mina.yoo7.com
    العمل/الترفيه : طالب فى كلية تجارة
    المزاج : Ma2OlNa BnDaRdSh
    المزاج :
    وسام لهذا العضو :
    تاريخ التسجيل : 10/03/2008

    جديد لنج رد: مشرف عايز يتجوز تعالو نشوف المقابلة ايه ؟؟؟؟

    مُساهمة من طرف MaR-MiNa في الأحد 17 أغسطس 2008, 8:05 pm

    هههههههههه

    ربنا على الظالم والمفترى

    بس جامدة اوى


    _________________
    استطيــع كـــل شـــئ فــى المسيـــح الـــذى يقـــوينـــى

    donna
    نـ؛ـائـبـ؛ـة الـ؛ـمـ؛ـديـ؛ـر
    نـ؛ـائـبـ؛ـة الـ؛ـمـ؛ـديـ؛ـر

    انثى
    عدد الرسائل : 1592
    العمر : 27
    المزاج :
    وسام لهذا العضو :
    تاريخ التسجيل : 04/04/2008

    جديد لنج رد: مشرف عايز يتجوز تعالو نشوف المقابلة ايه ؟؟؟؟

    مُساهمة من طرف donna في الأحد 17 أغسطس 2008, 8:34 pm

    هههههههههههههههه ظالم مين بس

    جامدة مووووووووت

    peter pop
    عضو (مارمينا) نشيط
    عضو (مارمينا) نشيط

    ذكر
    عدد الرسائل : 51
    العمر : 26
    المزاج :
    تاريخ التسجيل : 25/07/2008

    جديد لنج رد: مشرف عايز يتجوز تعالو نشوف المقابلة ايه ؟؟؟؟

    مُساهمة من طرف peter pop في الأحد 17 أغسطس 2008, 8:50 pm

    شكرا كتير اوى على الردوووود يا شباب

      الوقت/التاريخ الآن هو السبت 10 ديسمبر 2016, 3:36 pm