منتدى القديس مارمينا

منتدى مارمينا يرحب بالزوار
ونتمنى قضاء اسعد الاوقات
ويسرنا انضمامك لاسرة المنتدى
منتدى القديس مارمينا

اهلا بكم فى منتدى مارمينا


    نصائح ايام الخطوبة للبنات فقط...!!!

    شاطر

    donna
    نـ؛ـائـبـ؛ـة الـ؛ـمـ؛ـديـ؛ـر
    نـ؛ـائـبـ؛ـة الـ؛ـمـ؛ـديـ؛ـر

    انثى
    عدد الرسائل : 1592
    العمر : 27
    المزاج :
    وسام لهذا العضو :
    تاريخ التسجيل : 04/04/2008

    صليـب نصائح ايام الخطوبة للبنات فقط...!!!

    مُساهمة من طرف donna في السبت 09 أغسطس 2008, 9:12 pm

    نصائح ايام الخطوبة


    آنستي العزيزة.. لو ربنا فك عقدتك.. واتخطبتي.. فإليك نصائح حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

    أجمل ما في الخطوبة العزومات الرومانسية.. على أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع خطيبك.. كلها رقَّه ..


    1- الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولا من فوق طبعًا


    2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق .. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي بعتري في الاكل زي مانتِ عايزه



    3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون .. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك..
    بالمعلقه وبدون صوت.. سخنة ولعة برضه بدون صوت.. وتسيبي تلت الطبق على الأقل.. مش تميليه.. عشان تشربيها لآخر نقطة.....



    4- الرز طبعاً .. بيتاكل بالشوكة.. أوعي إيدك تتمد على المعلقة.. وتغرفي من طبق الرز وتكلي.. إوعي.. الرز بالشوكة.. وكأنك بتبوسيه مش بتاكليه..



    5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها في بؤك من سكات.. مش تشفطي المكرونة عود عود..



    6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم على الجانبين ولما تخلصي ناحية.. متقلبيش السمكة.. بلاش ذكاء.. شيلي السلسلة
    بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..


    7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..



    8- البطاطس سواء مسلوقة أو محمرة.. أوعي تهرسيها وتحطيها على الرز وتكلي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..



    9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....



    10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..
    أنا أودامي أسبوع.. هابطل أكل فيه.....


    وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..


    وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول
    والطعمية اللي جايباها معاكي.. وبالهنا والشفااااااااااا






    اتمنى تكونوا يا بنات استفدتم
    و يريت الللي يجرب النصيحة يبقى يقولنا النتيجة

    و مستنية ردودكم بعد فسخ الخطوبة ههههههههههههههههههههههههههه[/size]


    MaR-MiNa
    Admin
    Admin

    ذكر
    عدد الرسائل : 6570
    العمر : 28
    الموقع : http://mar-mina.yoo7.com
    العمل/الترفيه : طالب فى كلية تجارة
    المزاج : Ma2OlNa BnDaRdSh
    المزاج :
    وسام لهذا العضو :
    تاريخ التسجيل : 10/03/2008

    صليـب رد: نصائح ايام الخطوبة للبنات فقط...!!!

    مُساهمة من طرف MaR-MiNa في السبت 09 أغسطس 2008, 11:40 pm

    هههههههههههههه


    يالهوى

    عارفة نفسها

    وعارفة البنات بتتصرف ازاى

    احفظنا يارب


    _________________
    استطيــع كـــل شـــئ فــى المسيـــح الـــذى يقـــوينـــى

    بنت ام النور
    مشرفة
    مشرفة

    عدد الرسائل : 1179
    المزاج :
    وسام لهذا العضو :
    تاريخ التسجيل : 22/03/2008

    صليـب رد: نصائح ايام الخطوبة للبنات فقط...!!!

    مُساهمة من طرف بنت ام النور في الأحد 10 أغسطس 2008, 10:12 am

    ههههههههههههههههههههههههههههه يالهوي بقى كدة بتخلي مينا يشمت فينا
    ماشي ماشي

    donna
    نـ؛ـائـبـ؛ـة الـ؛ـمـ؛ـديـ؛ـر
    نـ؛ـائـبـ؛ـة الـ؛ـمـ؛ـديـ؛ـر

    انثى
    عدد الرسائل : 1592
    العمر : 27
    المزاج :
    وسام لهذا العضو :
    تاريخ التسجيل : 04/04/2008

    صليـب رد: نصائح ايام الخطوبة للبنات فقط...!!!

    مُساهمة من طرف donna في الأربعاء 13 أغسطس 2008, 4:36 pm

    ههههههههههههههههههه بس ياواد يا مينا

    MaR-MiNa
    Admin
    Admin

    ذكر
    عدد الرسائل : 6570
    العمر : 28
    الموقع : http://mar-mina.yoo7.com
    العمل/الترفيه : طالب فى كلية تجارة
    المزاج : Ma2OlNa BnDaRdSh
    المزاج :
    وسام لهذا العضو :
    تاريخ التسجيل : 10/03/2008

    صليـب رد: نصائح ايام الخطوبة للبنات فقط...!!!

    مُساهمة من طرف MaR-MiNa في الأحد 17 أغسطس 2008, 10:44 am

    مدية الحقيقة


    _________________
    استطيــع كـــل شـــئ فــى المسيـــح الـــذى يقـــوينـــى

    بنت ام النور
    مشرفة
    مشرفة

    عدد الرسائل : 1179
    المزاج :
    وسام لهذا العضو :
    تاريخ التسجيل : 22/03/2008

    صليـب رد: نصائح ايام الخطوبة للبنات فقط...!!!

    مُساهمة من طرف بنت ام النور في الأحد 17 أغسطس 2008, 10:50 am

    ال حقيقة ال بس بس لحسن نفضح حقيقتكو tongue

    donna
    نـ؛ـائـبـ؛ـة الـ؛ـمـ؛ـديـ؛ـر
    نـ؛ـائـبـ؛ـة الـ؛ـمـ؛ـديـ؛ـر

    انثى
    عدد الرسائل : 1592
    العمر : 27
    المزاج :
    وسام لهذا العضو :
    تاريخ التسجيل : 04/04/2008

    صليـب رد: نصائح ايام الخطوبة للبنات فقط...!!!

    مُساهمة من طرف donna في الأحد 17 أغسطس 2008, 2:14 pm

    ههههههههههههههه ايون خلى الطابق مستوووور

    مارتينا وحيد
    عضو (مـارمينا) جدبد
    عضو (مـارمينا) جدبد

    انثى
    عدد الرسائل : 15
    العمر : 25
    المزاج :
    تاريخ التسجيل : 16/02/2010

    صليـب رد: نصائح ايام الخطوبة للبنات فقط...!!!

    مُساهمة من طرف مارتينا وحيد في الجمعة 09 أبريل 2010, 6:03 pm

    ههههههههههههههههههههههه الحمد لله انا مش مخطوبة

      الوقت/التاريخ الآن هو الأحد 04 ديسمبر 2016, 12:53 am