منتدى القديس مارمينا

منتدى مارمينا يرحب بالزوار
ونتمنى قضاء اسعد الاوقات
ويسرنا انضمامك لاسرة المنتدى
منتدى القديس مارمينا

اهلا بكم فى منتدى مارمينا


    النتيجة قربت -- خليكو مستعدين بقى

    شاطر

    جيسكا
    عضو (مارمينا) نشيط
    عضو (مارمينا) نشيط

    انثى
    عدد الرسائل : 32
    العمر : 27
    المزاج :
    تاريخ التسجيل : 25/03/2010

    صليـب النتيجة قربت -- خليكو مستعدين بقى

    مُساهمة من طرف جيسكا في الجمعة 26 مارس 2010, 8:53 pm

    عارف أنك شايل شايل؟؟؟؟؟
    طب تعالالى بقى كده و ركز معايا

    طبعا كل واحد فيكم حاتط ايدة على قلبة من النتيجه .
    علشان كدة ومن واقع خبرتى قررت انى اديكم شوية نصائح عن كيفية استقبال نتيجة الامتحان وربنا يستر بقى .

    قبل أى حاجه : شيل أيدك من على قلبك بسرعه .
    "أيوه كده تمام"

    أسمع بقى و أدعيلى

    اولا : لازم تحبكها فى البيت قبل النتيجة حبتين تلاته أربعه.... "زى ما أنت عاوز" بمعنى انك لازم تفرهض فى السرير بتاع اربع خمسة ايام كدة ، و مش هاوصيكم يجيلك كل الامراض اللى ما تخترش على بال بنى ادم "من اول المغص لحد ما يغمى عليك" علشان اللى فى البيت قلبهم يحن .

    و يعدو الكام يوم و يجى اليوم المنتظر "المواجهة" لو النتيجة جت لاقدر الله زى ما انت متوقع وشلتلك بتاع اربع مواد كدة ،ننفذ الخطوه التانيه .

    ثانيا : تبتدى تمرن نفسك على كيفية البكاء المستمر "عاوزك تتفرج على كل أفلام أمينه رزق" وتتعلم ازاى تتشحتف علشان تصعب على كل اللى يقابلك .

    ثالثا : تدرب على بعض الفنون القتالية زى المصارعة او الكارتية. "خالى بالك النقطه دى مهمه أوى"

    ليه بقى؟؟؟؟؟
    أقولك يا سيدى

    علشان هيبقى فى شويه دانيسورات واقفة على النتيجة ، فلازم انت تكون مستعد لكدة علشان توصل فى اسرع وقت ممكن لأن انت عارف بيبقى فى هواة تقطيع الورق عارفهم؟؟؟..
    طبعا
    الواحدة من دول تعرف انها شايلة السنة تروح مسرخه و شادلها ورقه ولا أتنين
    من كشف النتائج و مقطعاها وحلينى انت بقى يا معلم عقبال ماتعرف النتيجة
    بتاعتك

    رابعا
    : لازم يا بطل تروح تجيب نتيجتك بنفسك علشان ماتبقاش واقف هيغمى عليك وانت
    مستنى صحبك يجبهالك وتلاقية بعد ده كله خارج يقولك أنا شيلت 3 مواد لية دة
    ظلم (أال يعنى الواد حل اوى)
    ، و تيجى تسأله على نتيجتك يقولك يوووووه أنا نسيت هوه أنا كنت في إيه ولا
    فى إيه ،و تروح طبعا أنت مناوله واحده فى وشه و كمان واحده في بطنه و شلوت
    عبقرى كده من بتوع الكراتيه اللى أتعلمته "شوفت الكراتيه بينفع أزاى"


    خامسا : انك تتحلى بكل انواع البرود "و يفضل الأنجليزى عن الأمريكى علشان أرخص" دا انت هتقابل اليوم دة اللى عمرك ما شوفته يعنى انت خارج كدة وشايل اربع مواد وتلاقى ام احمد الفراشة بتقولك (الحلاوة يا كابتين) فا انت لو مكنتش هادى ورخم هتعمل حاجة من الاتنين يا أما تموتها لا تموت نفسك فلازم تبقى رخم(شوفتوا الرخامه بتنفع ازاى هى كمان) فلازم تهدى كده وتستحمل علشان اللى جاى اصعب .

    سادسا : لازم تؤمن وتصدق ان النتيجة دى بتاعتك ومفيش غلطات مطبيعة. (احنا هنمثل ما انت عارف انك شايل شايل)


    سابعا : تاخد بعضك وعلى اقرب مطعم عدل وتاكل اكبر كمية من الاكل علشان انت الفترة اللى جاية هتكون فى اوضتك ومافيش اكل. "إلا بقى لو انت معندكش دم وهتقعد تاكل مع باباك وممتك على اساس انك احمد زويل

    ثامنا : نيجى لاصعب لحظة الا وهيا نقل الخبر ل (باباك ومامتك) وهنا هنرجع للبند رقم اتنين بتاع الافلام الماسوية والبكاء المستمر "و أفتكر أمينه رزق و حاول تقلدها".


    تاسعا: اول ما تشوف باباك اول كلمه تقولها حرااااااااااااااااااام و اللهى دة
    ظلللللللللللم مجهودى طول السنه راااااااااح ويغمى عليك وماشوفش
    وشك فايق غير بعد 14 يوم اتفقنا .

    عاشرا : رقم بالاسعاف 123 و ده لازم تكون حفظه صم واوعى تنساه أبدا ( دة فى حالة لو أنت عملت نفس القصه دى السنه اللى فاتت أو لو الناس عندك فى البيت ما بيدخلش عليهم الحاجات دى )


    و............. صباح الفل

    MaR-MiNa
    Admin
    Admin

    ذكر
    عدد الرسائل : 6570
    العمر : 28
    الموقع : http://mar-mina.yoo7.com
    العمل/الترفيه : طالب فى كلية تجارة
    المزاج : Ma2OlNa BnDaRdSh
    المزاج :
    وسام لهذا العضو :
    تاريخ التسجيل : 10/03/2008

    صليـب رد: النتيجة قربت -- خليكو مستعدين بقى

    مُساهمة من طرف MaR-MiNa في الإثنين 29 مارس 2010, 10:47 pm

    اية الفيلم الهندى دة كلة
    لا يا ستى النجاح حلو برضة واوفر من الجهد دة كلة
    والحمد لله نجحت ربنا يكو ن فى عون اللى مش هيعدى ويطر يعمل الطريقة دية هيتعب اوى


    _________________
    استطيــع كـــل شـــئ فــى المسيـــح الـــذى يقـــوينـــى

      الوقت/التاريخ الآن هو الأربعاء 07 ديسمبر 2016, 11:30 am