من طرف MaR-MiNa الخميس 04 سبتمبر 2008, 4:46 pm
انا جاهز علطول يا بنتى
1- شايف ايه اهميتك فى الدنيا ؟
بصراحة دلوقتى مش شايف ادينى عايش ومفيش حاجة مفيدة بعملها
بس كان ليا اهمية اقبل كدة ف كذة موقف وعرفت اهميتى فيهم
واكيد هتيجى مواقف تانية هعرف اهميتى فيها مش لازم علطول احس ان انا مهم وان حد محتجنى اساعدة
او يحصل موقف ولو انا مش موجود محدش كان هيعملة
وكمان الواحد بيتعب لازم ياخد رست
وانا ف الفترة دية رست
2- ماذا تفعل فى الحالات دى
الحزن
اقعد لوحدى واسمع اغانى
الاكتئاب
نفس شعور الحزن بس زيادة عنة انى ممكن مخرجش
محلقش دقنى لفترة طويلة
احس بأحباط وانى مرفوض من الكل
بس غالبا ف اوضتى واسمع اغانى ومكلمش حد اوى
الفرح
عادى يعنى ممكن هزار علطول تريقة
احب اسمع اغانى فيها طبلة بس مش شعبية
احب اسافر ف الوقت اللى فرحان فية علشان اعرف اتبسط بجد
الخساره
بصى الواحد كل لما بيعيش اكتر بيتعرض لمواقف اكتر
يبقى اكيد بيتعرض ل خسارة ومكسب
وكل مرة الواحد بيخسر بيتعود شوية بشوية
وبيكون عارف نتيجة الخسارة
حزن شوية وممكن اكتئاب بسيط وبعدين عادى بقى
بس حسب الخسارة لو خسارة ف لعب او كدة بضايق ف سعتها مش اكتر من ربع ساعة عشر دقائق وبعدين اكون عادى جدا وانسى اصلا
اما لو خسارة معنوية او كدة بتأثر بيها لفترة بس ممكن مش يبان عليا اوى قدام الناس لكن لما اقعد لوحدى افتكرها ويبان عليا
3-اذا حد جرحك من اصدقاءك بتعمل ايه ؟
حسب الجرح
مهو مثلا مش صاحبى يتكلم من وريا ويقول كلام مش حصل واتعامل معاة عادى
ازكان قال كلام مش قلتة وقلف من عندة امال لو قلتلة كلام هيروح ينقلة ويزود كلام ولا اية
وممكن فية جروح عادية ممكن الواحد يتستحملها مرة واتنين وعشرة وعادى يعنى
حسب الجرح دة بتصرف لو حاجة اوفر
يبقى هعاملة زى ما عملنى لو حاجة من غير قصد وعادى بعديها
4-امتى بتتعصب؟
ف حالات كتيرة
لما احس انى مظلوم
او عملت حاجة من اجل حد ومش قدرها
لو حد هو ظالمنى وجاى يعتبنى
لو خايف على حد وبقلة حاجة ولقيت رد فعلة
بسخرية وطرقتة مستفذة
كدة حسب
5-ايه الامنيه الى نفسك تحققها بس حاسس انها صعبه ؟
بصى الواحد ممكن يسرح بخيالة
بس مش كل حاجة بيسرح فيها عارف انة هيحققها
بس دة عادى ان اى انسان يسرح
بس عادى امنيتى انى اخلص جامعة من غير تأجيل والاقى شغل علطول كويس اول لما اخلص
6-ماذا تعنى لك
اية دة يا دونا طويل اوى كدة لية
الصداقه
الصداقة ... اممممم
حاجات كتيرة مش عارف اقول اية
هى حاجة حلوة لو تستمر
اية الفرق بين صحاب واصدقاء
الصحاب بيكونو صحاب لفترة اى كان بقى صحاب ف مدرسة جامعة دروس شغل
بتكون مؤقتة وبيقولو اسرار لبعض زى الصحاب بس بتكون اسمها صحاب علشان بتكون لفترة
اما الاصدقاء ممكن تلاقى دكتور ومحامى اصدقاء يعنى دية مهنة ودية مهنة واصدقاء وعلطول اسرار وكدة
والصداقة مش بتتقطع لاى سبب من الاسباب
دية بجد اللى تكون صداقة
غير كدة يبقى صحاب زمايل اى لفظ تانى غير كلمة اصدقاء
ولازم تكون صداقة مستمرة مش على قد السؤال وبس
وكمان تكون مبنية على لصراحة مش مثلا اسئل حد عن حاجة وهو مش يجاوبنى ويقول معرفش او كدة
يبقى مش اصدقاء
دية وجة نظرى
الوحده
شئ ممتع بستمتع بيها جدا جدا
يعنى فية ناس تحب تكون مع ناس علطول وبعدين تاخد اجازة يوم تقعد فية لوحدها
انا العكس احب الوحدة طولة الاسبوع ويوم انزلة اخرجة اهزر اضحك كدة
الحزن
حاجة صعبة اوى
وكل جرح ولية درجة حزنة
بس زى ما بيقولو الحزن بيقوى
بس عادى زى ما فية فرح فية حزن
بس ازاى الواحد يتصرف معاة يضعف ولا لا
بس لو ضعف مرة بيقوى الف
الحب
لمستك نسيت الحياة
اهو دة الحب بس مش قصدى اللمس
قصدى ان الواحد لو بيحب بينسى الحياة فعلا
مش عارف اقول اية بس هو احساس اكتر من انة كلام
بس الحب شئ جامد جدا اكيد
الغباء
هههههههه
مش عارف بتعامل مع ناس كتير اغبية
هههههههه
بصى هو الغباء الزيادة دة بيضحكنى جامد
لكن فية غباء يخنق الواحد كدة لانة بيكون بيتعب الواحد
لو انا بشرح حاجة لحد والكلام واضح مثلا او هو مقراش جملة مثلا وعمال يقولى اية وعيد وانا عمال اكتب كتير مثلا
بتخنق واقلة خلاص مش مهم
بس ساعات الواحد بيحتاج يعامل اللى قدامة بغباء ويعمل نفسة غبى
ساعات بعملها كتير
:d
التهور
التهور دية حاجة مشكلة بجد
بس مشكلة حلوة مش اقصد انها وحشة
انا بحب لحاجات اللى محتاجة تهور وجنون واجازف فيها
الغرور
لا انا موتى وسمى
انى اتعامل مع حد مغرور وبالذات لو بنت
انا ممكن لو بتكلم مع حد وحسيت انة مغرور مكلموش تانى
بكرة الصفة دية اوى
القوه
دلوقتى مش ليها لازمة اوى
مع السلطة والنفوز والتعارفات الاكتر مع ناس واصلة زى ما بيقولو القوة بتبقى حاجة تافة
بس القوة حاجة تدل على ان اللى قدامك شخصيتة مش ضعيفة
السرعه
انا بحب السرعة جدا ف كل حاجة
لو حاجة بطيئة بتعصب جدا
بس دلوقتى رتم الحياة كلة سريع
الهدوء
بيريح العقل
الشر
حاجة صعب الواحد ينتصر عليها بسهولة من غير مساعدة
الخير
قليل اوى اللى بيعملو خير
دلوقتى المعظم مصلحتى ثم مصلحتى
وبعدين ممكن يقولك مصلحة غيرى وممكن يقف عند مصلحتى وبس
7- ايه رايك فى الشخص كتير الاقوال وقليل الافعال؟
عادى على فكرة
ممكن كلامة دة بيريحة
مهو مش يبقى ولا فعل ولا انة يتكلم
وكمان عادى فيها اية لما يتكلم اكيد بيخرج اللى جواة وبيستريح
بس انا احب الشخص اللى يتكلم ويعمل مش يسكت ويقولك انا هعمل من غير متكلم او العكس
احب ان الشخص يكون قد كلامة قال هعمل حاجة هعملها مقلش هعملها عادى
وممكن انسان يكون قد كلامة بس قال حاجة ف ساعة غضب ولما هدى لقاها غلط عادى يعنى
8-ما هي الحكمة أو المقولة أو المثل اللتي تفضلها ؟
عادى فية كتير بس مش حافظ امثال اوى
ممكن اللى بتسلع من الشربة ينفخ ف الزبادى
من برة هالله هالله ومن جوة يعلم الله
فية كتي رعادى ومش بدقق ف الامثال اوى
9-ايه رايك فى الحكم دى
اذا كان الكلام من فضه السكوت من دهب
صح بس مش ف كل الاحوال
مش واحد حبل المشنقة على راسة ويسكت
او مظلوم والكل واخد فكرة غلط عنة ويسكت
ممكن يكسب لو حاجة بينة وبين حد او حاجة هو مش عاوز يفتح الموضوع بتعها فيسكت كدة
لكن مش ف كل الاحوال المثل دة صح
لا تجعل مشاعرك ارضا يداس عليها بل اجعلها سماء يصعب الوصول اليها
علشان مشاعر الواحد تطلع فوق
يبقى لازم تنزل الارض الاول
مفيش طيارة بتطير علطول بتكون على الارض وبتطلع فوق
بس الشاطر الى يخلى مشاعرة علطول فوق
ومش ينزلها تحت
بس مش ف كل الاحوال بردة
يعنى لو هينزلها الارض وهيكسب مفيش مشاكل لكن لو هينزلها وهتتبهدل تراب
وزى ما نزلت زى ما هطتلع
يبقى خليها فوق واللى عاوزها من تحت يطلعلها
حرام عليكى هرتينى
الاسئلة طويلة اوى مش على صعبة بس طويلة