سيبتنى ومش قادر انساك..!!

سيبتني ومش قادر انساك
ولاقادر انسي هواك
بقالي سنين بعيد عنك
والحنين في قلبي لقلبك
ايام وسنين بتفوت
وصورتك لسه جوايا
كل يوم يمر بموت
نفسي تبقي تاني معايا
كنت عايش علي امل الرجوع
بس لقيتك مشغول بغيري
انكسر قلبي مليت عيني الدموع
لما شفتك فحضن غيري
انطفت فحياتي كل الشموع
بقت ليل مالوش نهار
طريقي مابقالوش رجوع
ماشى واخر سكتي النار
لاقادر ابعد ولا قادر اقرب
مابقتش عارف اختار
اول ماشفتك في حضن غيري
بكت عيني وقلبي مني انهار
اتالم قلبي وعليت فيه صوت الاهات
سكتت في قلبي الدقات
اول ما جت عيني في عنيك
شفت كل اللي كان واللي فات
وسمعت صوت جوه صوتك
بيقولي انسي دا كله ذكريات
فهمت من كلامه وعنيه
فهمت من سلام ايديه
اني مبقتش علي باله
وصورتي اتمسحت من خياله
فهمت انه نسيني خلاص
ومابقاش ليا في قلبه مكان
فهمت ان حبي مات فيه خلاص
وبقي ذكري ومسحها الزمان
بس اعمل ايه فقلبي
مش قادر يقدر علي النسيان
ايام وسنين بتفوت
وكل بوم يمر عليا الف مره بموت
لاقادر انساك ولا عارف يقدر قلبي يقدر ينسي هواك

منقول

جامدة بجد الشعر دة

ربنا يباركك